Gary Lineker og Alan Shearer hafa svarað fyrir gagnrýni sem þeir fengu eftir viðtal við Erik ten Hag, stjóra Manchester United um helgina.
Ten Hag vann enska bikarinn með United um helgina gegn Manchester City og fór í viðtal við Shearer og Lineker á BBC eftir leik. Þar saumuðu þeir að Hollendingnum, meðal annars um framtíð hans sem talin er í mikilli óvissu þrátt fyrir sigurinn. United hafnaði í áttunda sæti ensku úrvalsdeildarinnar.
Þetta er viðtalið sem um ræðir:
Pure honesty 🔴
🗣️ Great interview from @alanshearer and @garylineker with Erik ten Hag.#BBCFACup #BBCFootball pic.twitter.com/8WGxvTytNY
— Match of the Day (@BBCMOTD) May 25, 2024
Var viðtalið sem fyrr segir gagnrýnt af mörgum en Shearer og Lineker fóru yfir stöðuna í The Rest Is Football hlaðvarpinu.
„Hann virkaði ekki ánægður frá upphafi viðtalsins. Svo skaut hann á Roy Keane svo það var eitthvað að angra hann. Ég spurði hvort honum hafi fundist spekingar hafa komið illa fram við hann, meðal annars við. Það er vinnan okkar að gera það inn á milli. Hann sagði klárlega,“ sagði Lineker þar.
Shearer tók svo til máls en hann segir þá félaga hafa verið í rétti á að sauma að Ten Hag.
„Hann á rétt á að hafa sínar skoðanir því hann hefur verið gagnrýndur og réttilega svo. Hans liðið hefur verið mjög slakt. Það átti hræðilegt tímabil í deildinni og ég held að enginn stuðningsmaður myndi deila um það. Að enda í áttunda sæti og fá öll þessi mörk á sig, þetta er til skammar.
Við þurftum að gagnrýna hann fyrir þessa hluti á tímabilinu. Ef við gerðum það ekki værum við ekki að sinna okkar starfi. Hann á samt rétt á að deila við þá sem honum finnst ósanngjarnir. Mér fannst ég samt í rétti til að segja það sem ég sagði,“ sagði Shearer.
