Banda­ríski kvik­mynda­gerðar­maðurinn Morgan Spur­lock, sem sló í gegn sinni með heimildar­myndinni Super Size Me, er látinn, 53 ára að aldri. Myndin var til­nefnd til Óskars­verð­launa í flokki heimildar­mynda árið 2005.

Varie­ty segir frá því að Spur­lock hafi dáið í New York í gær eftir bar­áttu við krabba­mein.

„Í dag var sorgar­dagur þar sem við kvöddum bróður minn Morgan,“ sagði Cra­ig Spur­lock en þær bræður unnu að nokkrum verk­efnum saman. „Heims­byggðin hefur í dag misst skapandi snilling og mjög sér­stakan mann,“ sagði hann.

Í myndinni Super Size Me borðaði Morgan einungis McDonald‘s í heilan mánuð en með því vildi hann kanna hvaða af­leiðingar það hefði fyrir heilsu hans að lifa einungis á þessum vin­sæla skyndi­bita. Þá var sú regla í myndinni að Morgan varð að þiggja stærri mál­tíð ef starfs­maður bauð honum það.

Spur­lock fram­leiddi og leik­stýrði fleiri myndum sem nutu nokkurra vin­sælda, til dæmis myndunum The Grea­test Mo­vi­e Ever Sold og Where in the World Is Osama Bin Laden?