Ainslie segir að sumar OnlyFans-stjörnur láti starfið líta út fyrir að vera auðvelt og að mikill glamúr fylgi því, en hún segir raunveruleikann vera annan. Sérstaklega ef þú ert ekki þegar vinsæl á samfélagsmiðlum og með stóran fylgjendahóp. Hún hvetur þær sem eru að íhuga að byrja í klámi að skoða aðra möguleika.
„Ég held að fólk þurfi að hugsa þetta vel og vandlega áður en það lætur til skarar skríða. Um leið og þú byrjar þá verður allt á netinu að eilífu,“ sagði hún.
„Ég vildi óska þess að ég hafi sett sjálfri mér mörk, og fylgt þeim, því ég gerði hluti sem mér leið illa með, því ég var að reyna að halda í við alla hina.“
@ainslieggReally outting myself witg this one 😬
Ainslie er annt um að skilaboð hennar dreifist sem víðast og reyndi að ná til ungu kynslóðarinnar í myndbandi á TikTok.
„Margar ungar stelpur hugsa: „Þetta verður auðveld leið til að þéna pening.“ En sannleikurinn er sá að þetta er erfitt. Þetta er full vinna og ég var í annarri vinnu á sama tíma og það var erfitt að ná að sinna öllu á hverjum degi,“ sagði hún.
„Þú þarft líka að tala við fólk á OnlyFans ef þú vilt þéna meiri pening og þú missir stjórn á því og ferð að tala við fólk allan liðlangan daginn.“
Ainslie bætti við að fólk ætti ekki að vera hissa ef einhver sem það þekkir verði áskrifandi að síðunni þeirra.
„Ég held ég hafi fengið um 120 áskrifendur á þremur mánuðum og margir voru einhverjir sem ég vann með eða var í skóla með.“
Fyrrverandi klámstjarnan var í bransanum í þrjá mánuði og þénaði um 950 þúsund krónur.
„Ég gat bara sinnt þessu eins og aukavinnu, það er hægt að afla sér meiri tekna á þessu en þú þarft þá að hugsa vel og vandlega út í allt sem ég nefndi áðan. Spurðu þig sjálfa: „Er þetta sú sem ég vil vera? Er þetta í takt við mig?“ Ég vildi óska þess að ég hafi hugsað meira um þetta áður en ég byrjaði í klámi því ég sé eftir því. Þetta var skrýtið tímabil…“
