Augnablik frá árinu 2019 er það augnablik sem Jurgen Klopp hatar mest að rifja upp nú þegar hann er að hætta með Liverpool.
Klopp er 56 ára gamall en ákvað að hætta með Liverpool og stýrir liðinu í síðasta sinn á sunnudag.
Árið 2019 var Liverpool í titilbaráttu við Manchester City en þá skoraði Vincent Kompany ótrúlegt mark í sigri á Leicester.
„Augnablikið þegar Kompany snerti boltann, ég er feginn að hafa ekki fengið hjartaáfall því þannig leið mér,“ segir Klopp.
„Ég man hvar ég var í sófanum og ég husgaði með mér að James Maddison ætti að loka á hann. Ég hef ekki þolað Maddison síðan.“
„Ég var reiður út í Brendan Rodgers því hann átti að vera búinn að taka Maddison af velli, hann va rþreyttur.“
„Leicester var að spila virkilega vel.“
City varð enskur meistari þetta árið og situr þetta augnablik enn í þýska stjóranum sem kveður Liverpool eftir tæp tíu ár.
