Bartell lést þegar grjóthnullungi var kastað af brú þegar Bartell ók bifreið sinni undir hana. Lenti hnullungurinn á framrúðunni og í andliti Bartell sem lést að líkindum samstundis. Átti atvikið sér stað í úthverfi Denver í Colorado.
Þrír ungir piltar voru handteknir vegna málsins og er Nicholas einn þeirra. Hann og annar drengur hafa komist að samkomulagi við saksóknara um að játa sök í málinu gegn því að fá vægari refsingu.
Segir Nicholas að hann hafi rétt félaga sínum, Joseph Koenig, grjótið sem hann kastaði svo af brúnni og lenti á bifreið Alexu. Þremenningarnir köstuðu grjóti í alls sjö bifreiðar þetta kvöld en Koening er sá eini sem neitað hefur sök í málinu og fer mál hans því fyrir kviðdóm.
Dómur í máli Nicholas verður kveðinn upp í september.
Það var vinkona Alexu sem kom að henni látinni en hún var að tala við hana í síma þegar sambandið rofnaði skyndilega. Voru vinkonurnar með app þar sem þær gátu séð staðsetningu hvor annarrar. Sá hún að Alexa var kyrrstæð og virtist vera utan vegar. Fór hún af stað og fann bifreið vinkonu sinnar og hana látna undir stýri.
