Tónlistar- og leiklistarparið Þórdís Björk Þorfinnsdóttir og Júlí Heiðar Halldórsson eignaðist dóttur 9. maí.

„Og þá erum við fimm. Þessi gullfallega hárprúða stúlka mætti í heiminn 9. maí og hefur stækkað hjörtu okkar allra um nokkur númer. Þeim mæðgum heilsast báðum vel, bræður yfir sig spenntir og glaðir að fá litlu systu loksins í heiminn,“ segir Júlí í færslu á Facebook.

Parið á hvort sinn drenginn frá fyrri samböndum.

„Ég vissi að Dísa myndi tækla þetta verkefni af einskærri snilld eins og allt sem hún tekur sér fyrir hendur en vá!!
Hún tók þessa fæðingu í nefið. Skipaði mér að leggja mig og bað um bjór þegar hún var búin. Ég á ekki breik í þessa konu.
Ég er ástfanginn, hamingjusamur, stoltur en umfram allt þakklátur. Takk fyrir að auðga lífið mitt með húmor, ást og umhyggju og þessari gullfallegu stúlku sem límir saman síðustu ár. Nýr og spennandi kafli hafinn.“