Michelle Stesiak, kona á sextugsaldri í Kaliforníu, fékk lyfinu ávísað fyrr á þessu ári og segist hafa verið full tilhlökkunar að byrja á því sem margir kalla kraftaverkalyf.
Eftir að hafa verið á Ozempic í sex vikur fór þó að bera á slæmum aukaverkunum eins og greint er frá í umfjöllun Daily Mail.
ina nóttina vaknaði Michelle með svo slæma kviðverki að hún gat ekki talað, hreyft sig eða sett yfir sig teppi. Var verkurinn í kviðnum, undir vinstra brjóstinu og teygði sig aftur í bak. Héldu læknar í fyrstu að hún væri með garnaflækju en frekari rannsókn leiddi ekkert slíkt í ljós.
Síðar kom á daginn að Michelle var með það sem kallað er brisbólga (e. pancreatitis). Briskirtillinn hefur meðal annars með sykurstjórnun líkamans að gera og getur truflun á starfsemi hans valdið alvarlegum veikindum og jafnvel dauða ef blóðflæði í brisið skerðist eða stöðvast.
„Ég hélt að ég væri að deyja. Þetta er mesti sársauki sem ég hef nokkurn tímann upplifað. Þetta var verra en að eignast barn,“ segir konan sem hélt sér í fósturstellingunni meðan verstu verkjaköstin stóðu yfir. „Ég gat ekki talað, kastaði stanslaust upp og var með þvílíkan niðurgang.“
Í umfjöllun Daily Mail kemur fram að brisbólga sé talin vera aukaverkun Ozempic en mjög sjaldgæf. Hafa rannsóknir sýnt að þeir sem nota Ozempic séu í allt að níu sinnum meiri hættu að þróa með sér brisbólgu en þeir sem eru ekki á lyfinu.
Kæra framleiðanda Ozempic vegna aukaverkana – Mun aldrei hafa eðlilegar hægðir aftur
