Pep Guardiola greip um sitt allra heilagasta þegar Erling Haaland tryggði liðinu sigur á Tottenham í gær. Hann gat varla horft á vítaspyrnuna en æstist við að heyra boltann syngja í netinu.
City er komið með tveggja stiga forskot á toppi ensku úrvalsdeildarinnar eftir afar mikilvægan sigur á Tottenham í Lundúnum í gær.
Allir sem tengjast Arsenal horfðu spenntir á leikinn og vonuðust eftir greiða frá erkifjendum sínum, fjöldi stuðningsmanna Tottenham vildi sjá lið sitt tapa leiknum.
— Out Of Context Football (@nocontextfooty) May 14, 2024
Leikurinn var jafn og spennandi en það var hinn norski Erling Haaland sem skoraði bæði mörk leiksins í síðari hálfleik.
Það fyrra kom eftir frábæra sendingu Kevin De Bruyne en það seinna úr vítaspyrnu. 0-2 sigur staðreynd.
Haaland's goal got Pep a bit too excitedpic.twitter.com/kV2KVfyhr9
— Troll Football (@TrollFootball) May 14, 2024
Tottenham fékk sín færi í leiknum en bæði Ederson og Steffan Ortega vörðu vel en markvörðurinn fór meiddur af velli í síðari hálfleik og Ortega steig inn.
City er með 88 stig en Arsenal tveimur stigum minna fyrir lokaumferðina sem fram fer á sunnudag.
City fær West Ham í heimsókn á Ethiad völlinn á meðan Arsenal tekur á móti Everton.
