Halla Hrund Logadóttir hefur um árabil kennt við Harvard háskóla í Bandaríkjunum þar sem hún nam áður. Þar hefur hún myndað tengslanet sem mun nýtast henni í embætti forseta til að afla þekkingar og skapa tækifæri fyrir þau verkefni sem eru fram undan. Halla Hrund er gestur Ólafs Arnarsonar í sjónvarpsþætti á Eyjunni í aðdragandi kosninga. Þáttinn má nálgast hér á Eyjunni og á hringbraut.is, sem og á opinni Hringbrautarrás Sjónvarps Símans. einnig má hlusta á þáttinn sem hlaðvarp.

Hér má sjá brot úr þættinum:

Bútur 2:

Eyjan - Halla Hrund - 2.mp4

„Þar sem að ég hef bæði starfað í fræðasamfélaginu hér á Íslandi í Háskólanum í Reykjavík og hef verið að kenna undanfarin ár við Harvard, þar sem ég var áður, það er í raun og veru áður en ég tók við starfi orkumálastjóra, að þá hafði ég verið að byggja upp það sem heitir Arctic Initiative við Harvard,“ segir Halla Hrund.

„Það er starfsemi sem beinir sjónum sínum að miklu af þeim lykilhagsmunum sem íslenskt samfélag hefur. Við erum að tala um breytingar á hafinu sem eru núna örari vegna hlýnunar jarðar og loftslagsáskorana og það hefur áhrif á gengd fiskistofna og aðra lykilhagsmuni sem íslenskt samfélag hefur.“

Hér má sjá þáttinn í heild:

Eyjan: Halla Hrund Logadóttir

Halla Hrund segir að Arctic Initiative beini líka sjónum sínum að orkumálum, nýsköpun í þeim geira, mannréttindum í slíkum breytingum sem og geopólitík.

„Geopólitík hefur líka breyst mjög mikið á því svæði sem er mikið hagsmunasvæði fyrir Íslendinga þannig að þessi þekking sem skiptir máli á svo marga vegu kemur til með að nýtast sem góður grunnur inn í bæði starf hérna heima og líka erlendis. Svo er það líka þannig að það eru fjölbreytt tengsl, og ég segi það stundum af því að ég tala um mikilvægi samstarfs alltaf, þvert á, að auðvitað eru það slík tengsl sem geta nýst til þess að færa okkur þekkingu og skapa tækifæri, og ég mun sannarlega nýta þau vel fyrir þau verkefni sem fram undan eru.“