Það kann að hljóma sem yfirnáttúruleg lygasaga en staðreyndin er samt sú að á jörðinni er til svo banvænn hlutur að að ef fólk nálgast hann í stutta stund mun það nánast örugglega þýða kvalarfullan dauðdaga.

Umræddur hlutur er kallaður Fílsfóturinn (e. Elephant´s foot) og 300 sekúndur í návist hans gerir það að verkum að einstaklingur deyr innan tveggja daga.

Um er að ræða stórhættulegan klump, sem er tveir metrar í þvermál, sem myndaðist þegar kjarnaofn Chernobyl-kjarnorkuversins sprakk og bráðnaði. Þrátt fyrir að tæð fjörtíu ár séu liðin frá slysinu hræðilega, sem skók gjörvalla heimsbyggðina, þá er Fílsfóturinn enn svo geislavirkur að stígi manneskja inn í rýmið sem hann er  þá eru örlög þess einstaklings ráðin. Þannig verður staðan um næstu aldir.

Í ljósi þess hve hættulegur Fílsfóturinn er þá eru til afar fáar myndir af honum.

Slysið heimsfræga átti sér stað þann 26. apríl 1986. Um haustið sama ár uppgötvuðu vísindamenn og viðbragðsaðilar, sem börðust við að halda geislavirkninni í skefjum, að rýmið, sem hafði myndast undir .þeim stað sem kjarnaofninn var, var orðið hættulegasti staður í veröldinni. Stálið og steypan umhverfis kjarnaofninn hafði bráðnað saman við kjarnorkuúrganginn svo úr varð geislavirkt fljótandi hraun – Fílsfóturinn varð til.

Til þess að lesendur átti sig á geislavirkninni þá myndi hálftími nærri Fílsfætinum vera á við 4,5 milljónir röntgenmynda.

Fílsfóturinn er enn á sínum stað í kjarnorkuverinu gamla en árið 2016 var sérstökum hlífðarhjúp komið fyrir yfir honum til þess að minnka skaðleg áhrif hans. Fílsfóturinn kólnar því smátt og smátt í iðrum kjarnorkuversins en fólki mun stafa hætta af honum í langan tíma.