Samkvæmt fréttum á Englandi er Kyle Walker varnarmaður Manchester City að skoða þann kost að fara til Sádí Arabíu í sumar.

Þessi 33 ára gamli bakvörður hefurt átt í vandræðum í einkalífinu og vill fara með fjölskyldu sína á stað þar sem þau fá frið frá öllu áreiti.

Þannig segja ensk blöð að Mahrez hafi átt í samskiptum við Riyad Mahrez fyrrum samherja sinn hjá City, hann fór til Sádí síðasta sumar og líkar vel.

Walker hefur átt í tómum vandræðum með einkalífið en hann og eiginkona hans Annie Kilner eignuðust sitt fjórða barn á dögunum.

Walker hafði verið sparkað út heima hjá sér skömmu fyrir það eftir að Kilner komst að því að hann ætti orðið tvö börn með hjákonu sinni, Lauryn Goodman.

Kilner vissi af fyrra barninu og hafði fyrirgefið það en Goodman lét hana vita að Walker ætti hitt barnið líka. Reyna þau nú að bjarga hjónabandi sínu en Goodman er dugleg að láta vita af sér.

Er því Walker að skoða það að fara til Sádí Arabíu en fjöldi liða þar í landi myndi vilja klófesta hann.