Áhrifavaldurinn og raunveruleikastjarnan Sunneva Einarsdóttir er ófeimin við að prófa ný trend, eða jafnvel gömul trend þar sem tískan fer alltaf í hringi.

Undanfarið hafa svokallaðar capri buxur látið bera meira á sér á samfélagsmiðlum og virðast þær vera að koma aftur í tísku, þúsaldarkynslóðinni til ama.

Capri buxur voru fyrst vinsælar á sjötta og sjöunda áratug síðustu aldar en komu svo aftur í tísku upp úr aldamótum, eins og svo margar konur á fertugs- og fimmtugsaldri muna vel eftir.

Sunneva Einars ákvað að hoppa á vagninn. „Trúi því ekki að capri buxur séu komnar aftur í tísku, elskum við eða hötum?“ skrifaði hún með myndbandi á Instagram.

Prófaðu að endurhlaða síðuna ef þú sérð ekki færsluna hér að neðan.

 

View this post on Instagram

 

A post shared by Sunneva Eir Einarsdóttir 🦋 (@sunnevaeinarss)

Vinkonur og fylgjendur Sunnevu virtust flest vera á sama máli, þau sögðust elska flíkina.

Það er óhætt að segja að þessar kálfasíðu buxur hafa verið talsvert á milli tannanna á fólki undanfarna mánuði, sumir vilja aldrei sjá þær aftur á meðan aðrir taka hringrás tískunnar fagnandi.

Hvað segja lesendur? Erum við tilbúin í þetta trend aftur?