Um er að ræða sannkallaðan sumarsmell sem kemur manni í gott skap en textinn hefur djúpstæða merkingu fyrir Katrínu Myrru.
„Það eru mjög djúpar pælingar hjá mér bakvið lagið „Lifum Þessu Lífi“. Ég er mjög meðvituð um að ég á bara þetta eina líf sem Katrín Myrra og hugsa stundum hvernig ég vil sjá líf mitt þegar ég horfi til baka og kveð þessa jörð. Það hljómar kannski ekkert sérstaklega gaman að pæla í því en mér finnst það gefa mér hvatningu til þess að framkvæma og gera hlutina og lifa þessu lífi eins og ég vil lifa því,“ segir Katrín Myrra.
„Ég hef alltaf haft mjög gaman að því að pæla í lífinu og tilverunni og af hverju við lifum lífinu eins og við gerum. Við erum líka uppi á svo sérstökum tímum þar sem tæknin er að þróast og upplýsingaflæðið er mikið. Tímar þar sem kapítalisminn er allsráðandi í hröðu samfélagi og heimurinn snýst í kringum völd og peninga. Mér finnst mjög merkilegt að vera á lífi og fá að upplifa þetta ferðalag og þess vegna finnst mér svo mikilvægt að lifa þessu lífi með enga eftirsjá.“
Prófaðu að endurhlaða síðuna ef þú sérð ekki myndina hér að neðan.
View this post on Instagram
Katrín Myrra segir okkur öll verðskulda hamingju. „Tíminn er eitt af því dýrmætasta sem við eigum og mér finnst eins og við ættum ekki að taka honum sem sjálfsögðum hlut. Við ættum ekki að sætta okkur við að lifa lífinu á einhvern hátt sem hentar okkur ekki bara af því að allir aðrir eru að gera það. Við ættum ekki að sætta okkur við leiðinlegu vinnuna, leiðinlega yfirmanninn eða leiðinlega lífið,“ segir hún.
„Við Ýmir Rúnarsson (Whyrunmusic) unnum lagið saman. Ég samdi textan og Ýmir bjó til taktinn og mixaði. Starri Snær Valdimarsson masteraði svo lagið.“
Katrín Myrra var gestur í Fókus, spjallþætti DV, í apríl.
Sjá einnig: „Í dag er þetta eitthvað sem gerir mig sterkari“
Fylgstu með Katrínu Myrru á Instagram, TikTok og hlustaðu á tónlistina hennar á Spotify.
