Fyrrum stórstjarnan Adriano ætlar að kæra blaðamann að nafni Bruno Di Simone sem vakti mikla athygli fyrir umfjöllun sína um ástarlíf Brasilíumannsins.

Di Simone vill meina að Adriano sé ástæðan fyrir því að fyrirsætan Gracyanne Barbosa og eiginmaður hennar, Belo, séu skilin í dag.

Di Simone segir að hjónaband Gracyanne og Belo hafi verið opið þar sem sú fyrrnefnda kynntist Adriano sem er fyrrum landsliðsmaður Brasilíu.

,,Þau voru í opnu sambandi. Adriano var einnig í sambandi með Gracyanne og Belo vissi af því,“ sagði blaðamaðurinn.

,,Hún varð ástfangin af Adriano og þeirra samband hélt áfram í laumi án samþykkis Belo.“

Adriano hefur nú svarað fyrir sig en hann neitar allri sök en Belo og Gracyanne voru gift í heil 12 ár en eru í dag skilin.

,,Enn eina ferðina er verið að ljúga um mitt líf þegar kemur að Belo og Gracyanne. Ég hef ekki hugmynd um hvað hann er að tala um,“ sagði Adriano.

,,Ég ber ekkert nema virðingu fyrir Belo og ég hef aldrei verið í sambandi með Gracyanne.“

,,Þið getið verið viss um það að maðurinn sem heldur þessu fram verði kærður. Ég hef aldrei og mun aldrei gera þessa hluti.“