Í viðtali við Hollywood Reporter viðurkenndi leikkonan að hún vill frekar að fólk noti raunverulega nafn hennar heldur en sviðsnafn hennar.
„Ég vil vera Emily,“ sagði hún.
Hún útskýrði nánar af hverju hún ákvað að kalla sig „Emma Stone“ á sínum tíma. Það var vegna þess að önnur leikkona í SAG-AFTRA hét nú þegar Emily Stone.
„Síðan fríkaði ég út fyrir nokkrum árum. Af einhverri ástæðu þá var ég bara: „Ég get þetta ekki lengur. Kallaðu mig bara Emily.““
Leikkonan sagði að fólk sem hún þekkir og vinnur með kalli hana Emily.
Hún tók það fram að ef aðdáandi myndi nálgast hana og kalla hana Emmu þá myndi hún ekki leiðrétta hann.
Aðdáendur hafa tekið vel í beiðni leikkonunnar. „Gott hjá Emily Stone að biðja fólk um að kalla hana hennar réttu nafni. Sorglegt að bransinn krefst þess að enginn heiti það sama,“ sagði einn netverji.
„Ég mun kalla þig Emily héðan í frá,“ sagði annar.
