Axel Óskar Andrésson, varnarmaður KR, var gestur í nýjasta þætti af Íþróttavikunni. Helgi Fannar Sigurðsson og Hrafnkell Freyr Ágústsson hafa umsjón með þættinum.

Axel gekk í raðir KR frá sænska B-deildarliðnu Örebro fyrir tímabil. Það var í fyrstu ekki ætlunin að koma heim í íslenska boltann en hann er ánægður með staðinn sem hann er á.

„Ég hef alveg sagt það opinskátt að ég vil spila á eins háu stigi og mögulegt er. Ég er að fara inn í „prime“ ár hjá mér en þetta var geggjuð lending,“ sagði hann.

„Fyrsta og síðasta markmiðið er að njóta fótbolta aftur og ég er algjörlega að gera það eins og er. Til að fara aftur út þyrfti það að vera ógeðslega spennandi,“ sagði Axel sem hefur komið víða við í atvinnumennsku.

Axel og kærasta hans eignðust sitt fyrsta barn í fyrra og spilaði það inn í ákvörðunina að koma heim.

„Það spilar mikið inn í. Ég var alveg með nokkur tilboð á borðinu. Ég var í Lettlandi og það var ævintýri og allt það en ég myndi kannski ekki alveg velja þann stað með sjö mánaða gamalt barn.“

Umræðan í heild er í spilaranum.