Eva Ruza Miljevic, útvarpskona á K100 og veislustjóri, mun stýra Eurovision-þáttunum Alla leið á RÚV í stað Felix Bergssonar í ár.
„Ég hef fengið það stóra hlutverk að stýra sjónvarpsþættinum ,,Alla Leið“ sem er á dagskrá RÚV , og fer þar lóðbeint ofan í risastór skóför vinar míns hans Felix Bergssonar. Fyrsti þáttur byrjar næstkomandi laugardag á slaginu 20:15,“ skrifar Eva Ruza á Instagram.
View this post on Instagram
Felix hefur stýrt Alla leið í fjölda ára auk þess að fylgja íslenska keppandanum erlendis á stóra sviðið í Eurovision. Eiginmanður hans, Baldur Þórhallsson, er í forsetaframboði og eftir að það var tilkynnt sagði Felix sig frá öllum verkefnum á vegum RÚV, bæði í útvarpi og sjónvarpi, hann verður því ekki fararstjóri íslenska hópsins í ár.
