Þar birtir hann myndir af Katrínu Jakobsdóttur, sem tilkynnti framboð sitt til forseta fyrir skemmstu, og Davíð Oddssyni, ritstjóra Morgunblaðsins og fyrrverandi forsetaframbjóðenda, og bendir á að bæði hafi látið mynda sig í lopapeysu eftir að þau tilkynntu um framboð sitt.
Gunnar Smári segir að þetta sé líklega gert að ráðum almannatengla en staðreyndin sé samt sú að þetta virkar ekki.
„Ólafur Ragnar lét lopapeysuna alveg vera og birtist alltaf sem það sem hann var, pólitískur refur. Fólk kaus hann út á það, ekki að hann væri eins og við hin. Þá voru þær aðstæður uppi að Davíð hafði verið forsætisráðherra í fimm ár og þjóðin upplifði að hann þyrfti eitthvert mótvægi á Bessastöðum. Kannski sjá einhverjir kjósenda Katrínu sem mótvægi við Bjarna Ben, en þeir eru líklega ekki margir,“ segir Gunnar Smári.
Hann rifjar svo upp að Ólafur Ragnar Grímsson hafi fengið 41,4% atkvæða árið 1996, Davíð 13,7% árið 2016 og Katrín mælist nú með 22,1% í nýjustu könnun. Katrín muni mögulega eiga við ramman reip að draga sé litið til fyrstu könnunar eftir framboðsyfirlýsingu Ólafs Ragnars þar sem hann mældist með 61% fylgi.
