Jose Mourinho hafði alltaf trú á því að Xabi Alonso yrði góður knattspyrnustjóri. Það sést þegar viðtal við hann síðan 2019 er rifjað upp.

Alonso er stjóri Bayer Leverkusen og um helgina tryggði liðið sér þýska meistaratitilinn þó fimm umferðir séu eftir. Um leið lauk ellefu ára einokun Bayern Munchen á titilinn í Þýskalandi.

Leverkusen hefur ekki tapað á tímabilinu og er nú búið að spila 43 leiki án þess að tapa, sem er það mesta í evrópskri knattspyrnusögu.

Alonso er eftirsóttur stjóri en hefur þegar staðfest að hann verði hjá Leverkusen áfram.

Sem fyrr segir hafði reynsluboltinn Mourinho, sem þjálfari Alonso hjá Real Madrid, alltaf trú á honum í þessu hlutverki.

„Faðir Xabi Alonso var knattspyrnustjóri svo hann fékk svipað uppeldi og ég. Svo varð hann leikmaður og varð auðvitað miklu betri en ég. Hvernig hann staðsetti sig og þekking hans á leiknum var í heimsklassa,“ sagði Portúgalinn í viðtali árið 2019.

„Hann spilaði á Spáni, Englandi og Þýskalandi, var þjálfarður af Guardiola hjá Bayern, mér og Ancelotti hjá Real Madrid og Benitez hjá Liverpool. Þegar þú setur þetta allt saman hefur Xabi allt til að verða mjög góður þjálfari.“