Það var enginn annar en bandaríski áhrifavaldurinn Joey Swoll sem lét hana heyra það. Swoll er ófeiminn við að taka fyrir áhrifavalda sem haga sér illa í ræktinni. Hann er með yfir 7,5 milljónir fylgjenda á TikTok og 4 milljónir á Instagram.
Sjá einnig: Lét banna áhrifavald í ræktinni eftir að hún tók upp þetta myndband
Shiana birti myndband af sér gera réttstöðulyftur með tvö handlóð fyrir framan handlóðarekkann í ræktinni. Myndavélinni var stillt aðeins frá og á einum tímapunkti kom karlmaður að rekkanum til að skila handlóðum og Shiana skammaði hann fyrir að hafa truflað hana, eða réttara sagt myndatökuna.
Sjáðu myndbandið hér að neðan.
@thejoeyswoll As a personal trainer and coach, you need to set a better example for the gym community. #gymtok #gym #fyp ♬ original sound – Joey Swoll
Joey Swoll var síður en svo ánægður með framkomu einkaþjálfarans.
„Sem einkaþjálfari þarftu að vera betri fyrirmynd fyrir fólkið í ræktarsamfélaginu,“ segir hann.
„Til að byrja með, bara því þú ert að taka upp í ræktinni þá þýðir það ekki að allir aðrir þurfa að hætta því sem þeir eru að gera, eins og að skila lóðunum sínum. Í öðru lagi, þú ert einkaþjálfari. Þú átt að vita betur en að æfa beint fyrir framan handlóðarekkann, hvað þá að taka upp myndband fyrir framan hann. Og ef einhver kemur þá átt þú að færa þig um leið.“
Swoll heldur áfram: „Þessi maður var mjög vingjarnlegur við þig en þú birtir þetta samt. Í alvöru?“
Sama dag birti Shiana aðra færslu sem Swoll gagnrýnir. „Þú birtir mynd af manni ganga í halla á hlaupabretti og gerðir lítið úr honum. Ég vona að eigendur ræktarstöðvarinnar þinnar sjái þetta og banni þig.“
