People segir að Hall hafi verið dæmd í ævilangt fangelsi fyrir morðin og 240 mánaða fangelsi fyrir að hafa reynt að myrða 14 ára dótturina.
Það var snemma að morgni 1. nóvember 2018 sem Hall fór inn í herbergi Kayson og skaut hann í höfuðið þar sem hann svaf í rúminu sínu. Hann lést samstundis.
Næst fór hún inn í herbergi Khloe og 14 ára dótturinnar. Þær voru báðar sofandi. Hún skaut þær báðar í höfuðið. Þær voru báðar fluttar alvarlega særðar á sjúkrahús. Khloee var síðar úrskurðuð heiladauð og var slökkt á öndunarvél hennar. Hin dóttirin, sem hefur ekki verið nafngreind af lögreglunni, lifði skotárásina af. Hún náði að flýja inn á baðherbergi en móðir hennar elti hana þangað. Þar náði stúlkan að tala móður sína af því að skjóta sig aftur og fékk hana til að leggja byssuna frá sér.
Vinur Kayson hringdi í lögregluna klukkan 06.30 og tilkynnti um málið en hann gisti hjá Kayson þessa nótt og svaf í herberginu hans.
Hall sagði lögreglunni í fyrstu að hún vissi ekki að af hverju hún hefði skotið börnin. Síðar sagði hún að hún teldi sig hafa verið að vernda þau fyrir fyrrum eiginmanni sínum sem hún sagði vera ofbeldishneigðan og sakaði hann um fjölda ofbeldisverka. Hjónin skildu 2016 og höfðu háð harða forræðisdeilu yfir börnunum.
