Harry greindi frá því í sjálfsævisögu sinni, Spare, að hann hafi misst sveindóminn þegar hann var sautján ára með eldri konu. Þau sváfu saman á akri á bak við pöbb.
„Þetta tók fljótt af, hún sló mig síðan á rassinn og sendi mig á brott,“ sagði hann í bókinni en lét hjá líða að nafngreina konuna.
Orðrómur hefur verið á kreiki um að Elizabeth Hurley sé umrædd kona.
„Það er hlægilegt!“ sagði hún í spjallþætti Andy Cohen á miðvikudaginn þegar hann spurði hana út í málið.
Elizabeth, 58 ára, segir að hún hefur aldrei hitt Harry, 39 ára.
Ástæðan fyrir því að fólk grunaði að leikkonan hafi sofið hjá prinsinum var því hún bjó á stóru býli í suðurhluta Englands frá 2002 til 2015, í Gloucestershire, einmitt sýslan þar sem Harry missti sveindóminn, á bak við pöbbinn Tunnel House Inn.
En leikkonan þvertekur fyrir þetta og segir einfaldlega um tilviljun að ræða að þau hafi verið í sömu sýslunni á sama tíma.
