Hún vinnur stundum 60 klukkutíma á einni viku sem hefur skilað henni mikilli velgengni í bransanum og ágætis auðæfum. Nova opnar sig um lífið á bak við myndavélina, einkalífið og ástina, í viðtali við Body+Soul.
Hún segir frá því hvernig hún varð óvænt ástfangin af 62 ára sykurpabba sínum, James.
Hugtökin „sykurpabbi“ (e. sugar daddy) og „sykurbarn“ (e. sugar baby) eru notuð fyrir dýnamík á milli tveggja aðila, oftast eldri karlmanns og yngri kvenmanns. Í skiptum fyrir samveru og/eða kynlíf fær „sykurbarnið“ greitt í peningum, ferðalögum og alls kyns gjöfum.
James var ekki hennar fyrsti sykurpabbi. „Ég átti klárlega fullt af feik sykurpöbbum, eða eins og þeir eru kallaðir í sykurheiminum: Stevíupabbar. Þeir lofa hinu og þessu en standa ekki við neitt,“ segir hún.
„Ég fann aldrei fyrir raunverulegri tengingu við þá, venjulega fórum við á nokkur stefnumót og svo ekkert meira.“
En hvað var það við James sem var öðruvísi?
Nova segir að þau hafi tengst sterkum böndum og hún hafi allt í einu áttað sig á því að hann væri að uppfylla allar þarfir hennar. Þau sögðu skilið við sykurpabba fyrirkomulagið og hófu alvöru samband.
Í dag þénar Nova meira en James. „Hann hugsar samt ennþá um mig, gefur mér morgunmat og kaffi í rúmið, sér um húsverkin, borgar reikningana og styður mig svo ég geti einbeitt mér að ferlinum mínum. Hann elskar að gefa mér fallegar gjafir, eins og skartgripi eða bjóða mér í helgarferðir.“
Það er þrjátíu ára aldursmunur á parinu og mæta þau reglulega fordómum vegna þessa. Þau láta það ekki trufla sig og hún segir þeirra sambandið þeirra sterkara ef eitthvað er, vegna hvernig það hafi byrjað.
Nova ræðir samband þeirra nánar á Body+Soul.
Nova spurði móður sína ýmissa spurninga um samband hennar og James og birti myndband af samtalinu á Instagram sem má horfa á hér að neðan.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Mömmu hennar er alveg sama um aldursmun Novu og James. Það að Nova hafi verið sykurbarn truflaði hana ekki og hún segir James vera frábæran mann.
Mæðgurnar ræða einnig um dramað í fjölskyldunni eftir að Nova opinberaði samband þeirra. „Amma var í sjokki því hann er 30 árum eldri […] en svo breyttist það þegar hún hitti James,“ segir mamma hennar.
