Manchester United hefur nýtt sér ákvæði um að framlengja samning Mason Greenwood um eitt ár. The Athletic heldur þessu fram.
Greenwood er sem stendur á láni hjá Getafe frá United en hann á sennilega enga framtíð hjá enska félaginu vegna mála hans utan vallar.
Núgildandi samningur Greenwood við United rennur út eftir næstu leiktíð en United er sagt hafa ákveðið að framlengja hann tl 2026, en það var ákvæði í samningi Englendingsins unga.
Þetta gerir United til að vera í sterkari stöðu í viðræðum við önnur félög um sölu á Greenwood í sumar, en Barcelona hefur til að mynda áhuga.
Greenwood var handtekinn snemma árs 2022 og grunaður um gróft ofbeldi í nánu sambandi. Eftir rúmt ár í rannsókn var málið látið niður falla.