Elín Halldórsdóttir og hljómsveit hennar stíga á stokk í Kaldalónssal Hörðpu laugardaginn 6. apríl kl. 18.

Þar verða flutt 15 af vinsælustu lögum Elínar. Tónlist hennar mætti skilgreina sem gæðapopp með andlegu ívafi.

Elín hefur samið fjölmörg lög fyrir börn og nokkra söngleiki, meðal annarsd sönglnengin „Ævintýri Sædísar skjaldböku“ sem Menntamálastofnun gaf út.

Tónleikarnir á laugardag eru hins vegar fyrstu einkatónleikar Elínar þar sem hún flytur eigið efni. Er hún þar að bregðast við vaxandi vinsælum laga hennar á streymisveitum, raunar ekki síst erlendis frá.

„Streymi á tónlistinni minni er sívaxandi og nálgast nú milljón á Spotify og er í fjölda landa en mest í USA. Lagið the Multiverse er langmest streymda lag mitt með 150 þús. streymi á Spotify og SOUNDCLOUD. Nokkur laga minna eru m streymi um eða yfir 50 þúsund og mest spilaða lagið mitt þessa dagana er „My Dragon“, sem er kannski ekki að undra á ári viðardrekans skv. kínverskri stjörnuspeki,“ segir Elín í stuttu spjalli við DV.

Yfirskrift tónleikanna er Multiverse. „Það er lag sem fjallar um fjölheiminn og ólíkar víddir og tíðnir og um mátt og megin mannsins sjálfs,“ segir Elín.

Nánar um tónleikana og miðasala, hér.

Tónlist Elínar má heyra hér.