Katla Hreiðarsdóttir eigandi verslunarinnar Systur og makar er fertug í dag og notaði stórafmælisdaginn meðal annars í að tilkynna fjölgun í fjölskyldunni. Hún og eiginmaður hennar, Haukur Unnar Þorkelsson, eiga von á sínu þriðja barni í september.
„Bullandi hamingjusöm 40 ára baunadós á fullri ferð. (Eða sko 39 ára.. ég ætla aðeins að seinka stórafmælinu.) Fjölskyldan stækkar þegar Daðlan mætir í sept en ég er að detta í 15 vikur á mánudaginn,“ segir Katla í færslu á samfélagsmiðlum.
Ekki er langt síðan að Katla sagði frá því að fjölskyldan væri að hugsa sér til hreyfings og íbúð þeirra í Hafnarfirði væri komin á söluna. Þannig að daginn í dag nýttu þau líka til að skrifa undir kaupsamning á einbýlishúsi í Hafnarfirði.
„Til þess að rúma allt þetta lið undirrituðum við söluna á Mjósundinu fagra í gær sem og kaupsamning á Mávahrauni 18. Eftir Guðmund Kr. Kristinsson arkitekt sem þarf að klappa svolítið. Við fáum líklega afhent í lok maí (á sama tíma og við skilum af okkur hæðinni). Það er því heljarinnar afmælisár framundan og við fáum að plata alla sem vettlingi geta valdið í flutningaaðstoð þegar þar að kemur þar sem bollan má engu lyfta, annað skiptið í flutningum (hentugt?! ),“ segir Katla.
„Pungsi minn það hefur ekki verið lognmolla frá því ég hitti þig. Ég er farin að halda að þetta BRAS allt tengist mér bara ekki neitt,“ og skýtur þar glettnisskoti á eiginmanninn, sem á tvö börn frá fyrra sambandi.
Síðast en ekki síst lofar Katla að senda páskaratleikinn út í kvöld. „Þá er það frá.“
View this post on Instagram
