Gareth Southgate er maðurin sem Sir Jim Ratcliffe vill ráða til starfa hjá Manchester United. Daily Mail fjallar um málið.
Samkvæmt fréttinni telur Ratcliffe sig geta sannfært enska landsliðsþjálfarann um að taka við.
Ratcliffe sem stýrir Manchester United og rekstri þess í dag, hann er að skoða framtíð Erik ten Hag.
Southgate hefur verið þjálfari enska landsliðsins í átta ár og hefur stuðning leikmanna þar.
United er að fá Dan Asworth sem yfirmann knattspyrnumála en hann og Southgate unnu saman hjá enska landsliðinu og náðu vel saman.
Southgate er með samning fram í desember á þessu ári en hann gæti hugsað sér að hætta eftir Evrópumótið í Þýskalandi.
