Vilhjálmur Bretaprins rauf þögnina um samsæriskenningar sem hafa verið á sveimi undanfarið um bataferli eiginkonu hans, Katrínar hertogaynju, eftir að hún gekkst undir kviðarholsaðgerð í janúar.
„Fókus hans er á vinnu sína en ekki á samfélagsmiðlum,“ sagði talsmaður prinsins í yfirlýsingu í gær. Yfirlýsingin kemur í kjölfar þess að margir hafa lýst yfir áhyggjum sínum vegna Katrínar, en hún hefur aðeins sést einu sinni opinberlega síðan í janúar.
Í yfirlýsingu frá Kensington Palace í janúar var greint frá því að aðgerð Katrínar hefði verið skipulögð, en Page Six greindi síðar frá að jafnvel nánustu aðstoðarmenn hennar hafi ekki vitað af aðgerðinni. Í febrúar kom síðan önnur yfirlýsing þar sem greint var frá því að Katrín væri á góðum batavegi, en frekari upplýsingar voru ekki gefnar af virðingu fyrir friðhelgi einkalífs hennar.
Strax var greint frá að Katrín myndi ekki snúa aftur til konunglegra starfa fyrr en eftir páska, en netverjar eru þegar orðnir óþolinmóðir og hafa birt óteljandi kenningar um af hverju hún er svona lengi fjarverandi. Hafa kenningar snúist um allt frá því að Katrín hafi gengist undir lýtaaðgerð og til þess að hún hafi verið í dái.
Samsæriskenningar um að veikindi Katrínar séu alvarlegri en konungsfjölskyldan vill vera láta fengu síðan byr undir báða vængi fyrir rúmri viku þegar Vilhjálmur átti að mæta á minningarathöfn fyrir guðföður sinn heitinn, Konstantínus II., konung Grikklands, en hætti skyndilega við „af persónulegum ástæðum.“
Katrín sló þó aðeins í samsæriskenningum netverja þegar sást til hennar 3. mars síðastliðinn, þar sem hún sat með sólgleraugu í farþegasæti bíls sem móðir hennar, Carole Middleton ók, nálægt Windsor-kastala.
BREAKING: Kate Middleton spotted for first time since January hospitalization https://t.co/N8zTapbT3R
— Fox News (@FoxNews) March 4, 2024
