Sam Kerr kallaði lögreglukonu heimska hvíta forrétindakonu eftir að hafa ælt í leigubíl. Það er ástæða þess að hún er kærð fyrir rasisma í garð lögreglu.
Sam Kerr sem er ein fremsta knattspyrnukona í heimi mætti fyrir dómara á Englandi í vikunni. Meint atvik átti sér stað í lok janúar í London en Kerr er leikmaður Chelsea.
Kerr er þrítug og hefur undanfarin ár verið á meðal þeirra bestu í heimi. Hún hafnar allri sök í málinu.
Réttarhöldin verða í fjóra daga og verða á næsta ári. Kerr hafnaði sök í fyrirtöku málsins. Lögmaður Kerr segir að hún hafi ekki ætlað að svívirða lögregluna eins og hún er sökuð um.
