Þetta fundu þýskir og hollenskir fornleifafræðingar sem voru við uppgröft við Houten-Castellum sem er nærri hollensku borginni Utrecht. Frá því um 600 fyrir Krist og næstu 700-800 árin var blómleg byggð þarna.
Vísindamennirnir, sem unnu að uppgreftrinum, telja að forfeður okkar, sem bjuggu þarna, hafi ekki aðeins vitað að skollarót er eitruð, heldur hafi þeir einnig notað hana.
Skollarót getur valdið ofskynjunum og hjartsláttartruflunum, valdið meðvitundarleysi, lamað öndunarfærin og í versta falli orðið fólki að bana.
Vísindamenn hefur lengi grunað að forfeður okkar hafi notað jurtina vegna eiturefnanna í henni. Maaike Groot, aðalhöfundur rannsóknarinnar, segir að þar sem fræin hafi verið inni í beininu, sem var lokað með birkitjöru, bendi til að skollarót hafi viljandi verið geymd.
En þá vaknar spurningin í hvað plantan var notuð?
Það eru ýmsir notkunarmöguleikar á henni. Fræ plöntunnar hafa fundist í gröfum víkinga og hafa vísindamenn velt fyrir sér hvort hún hafi verið notuð til að setja nokkurs konar „berserksgang“ af stað.
Sögulegar heimildir frá Rómarveldi sýna að jurtin var notuð gegn tannpínu og hósta.
