Rio Ferdinand segir að Manchester United hafi gert nokkur mistök í leikmannamálum eftir að Sir Alex Ferguson hætti árið 2013. Hann segir hins vegar tvö þeirra standa upp úr.
Ferdinand er á því að United hefði aldrei átt að selja Jonny Evans og Chris Smalling frá félaginu.
Báður höfðu öðlast mikla reynslu hjá félaginu þegar Rio og Nemanja Vidic fóru, þeir höfðu myndað gott par.
„Það var harmleikur að selja Jonny Evans, hann átti aldrei að fara,“ segir Ferdinand en Evans snéri aftur til félagsins síðasta haust.
„Hann var besti varnarmaðurinn á þeim tíma, þegar ég og Vidic fórum. Hann hafði reynsluna, hann var besti varnarmaðurinn. Ég trúði því ekki að félagið hefði tekið þessa ákvörðun,“ segir Rio en Louis van Gaal var þá þjálfari liðsins.
„Þetta á líka við um Chris Smalling, þeir áttu aldrei að fara. Þeir þekktu félagið og hvernig það virkar.“
