Jorginho, miðjumaður Arsenal, bað kærustu sinnar, Cat Harding, undir lok síðasta árs. Það var þó ekki alltaf ætlunin ef marka má ummæli hans í raunveruleikaþáttunum Married to the Game á Amazon.
Þættirnir fjalla um pör í fótboltaheiminum og líf þeirra utan vallar og voru Jorginho og Harding meðal annars tekin fyrir.
Í einu atriðinu voru þau að gera sig klár í að halda út og var Harding að ákveða hvort hún ætti að hafa hring á fingri sínum, eða hvort hann þyrfti mögulega að vera laus ef knattspyrnumaðurinn skildi biðja hennar sama dag.
„Nei,“ svaraði Jorginho sem var ekki á þeim buxunum.
„Ég ætla að vera með eitthvað annað. Þetta fingur verður því laus,“ sagði Harding áður en Jorginho svaraði: „Hann verður það áfram.“
Eins og fyrr segir átti Jorginho síðar meir eftir að biðja Harding og má gera ráð fyrir að um gott glens hafi verið að ræða.
Jorginho og Harding ætla að gifta sig sumarið 2025.
Hér að neðan má sjá atriðið sem um ræðir, en ummæli Jorginho vöktu mikla athygli erlendra miðla og áhorfanda þáttanna.
