Juan Mata hefur staðfest það að hann sé ekki hættur í fótbolta en hann æfir þessa stundina í höfuðborg Englands, London.

Mata var síðast á mála hjá Vissel Kobe í Japan en hann er þekktastur fyrir tíma sinn hjá Chelsea og Manchester United á Englandi.þ

Mata er orðinn 35 ára gamall og er án félags en hann hefur engan áhuga á að segja skilið við boltann strax.

,,Ég er ekki hættur í fótbolta og er ekki að hugsa um að hætta. Ég er að æfa í London,“ sagði Mata við AS.

,,Eins og þið vitið þá var ég í Japan hjá Vissel Kobe og það var einstök upplifun, mjög öðruvísi upplifun bæði íþróttalega og menningalega.“

,,Við náðum að vinna deildina sem var frábær endir á minni reynslu þar.“