Það eru líkur á því að stórstjarnan Neymar muni spila með Lionel Messi aftur áður en ferli þeirra beggja lýkur.
Neymar spilar með Al Hilal í Sádi Arabíu í dag en hann og Messi spiluðu saman hjá Barcelona á sínum tíma.
Neymar hefur opnað dyrnar fyrir því að spila með Messi aftur og gæti vel verið á leið til Inter Miami í Bandaríkjunum miðað við þau ummæli.
Talið er að Messi ætli að enda ferilinn í Miami og eru litlar líkur á að hann færi sig yfir til Sádi.
,,Ég vona innilega að við getum spilað saman á nýjan leik,“ sagði Neymar í samtali við ESPN.
,,Leo er frábær manneskja, allir vita hver og hvernig hann er. Ég held að hann sé mjög ánægður, ef hann er ánægður þá er ég ánægður.“