Hjónin tóku saman aftur árið 2021 eftir um sautján ára aðskilnað. Þau byrjuðu fyrst saman árið 2002 og var mikið fjölmiðlafár í kringum samband þeirra. Þau trúlofuðust ári seinna en slitu sambandinu í lok árs 2003, örfáum dögum áður en þau ætluðu að ganga í það heilaga.
„Við hættum saman þremur dögum fyrir brúðkaupið okkar,“ sagði J.Lo í nýju heimildarmynd hennar, The Greatest Love Story Never Told.
„Við vorum búin að plana stórt brúðkaup en við brotnuðum undan álaginu þremur dögum áður.“
Ben Affleck tók undir með eiginkonu sinni. Hann sagði fjölmiðlafárið í kringum samband þeirra hafi verið ástæðan fyrir sambandsslitunum
„Mér fannst þetta mjög erfitt, því mér leið ekki bara eins og ég hafði misst ástina í lífi mínu heldur leið mér líka eins og ég hafi misst besta vin minn,“ sagði Jennifer Lopez um sambandsslitin.
Hún viðurkenndi að hún hafi verið reið út í Ben í dágóðan tíma. „En þessi ástarsorg varð til þess að við fundum okkur sjálf og urðum betri manneskjur.“
Á þeim tíma sem þau voru í sundur giftist Ben leikkonunni Jennifer Garner og eiga þau saman þrjú börn. Jennifer eignaðist tvíburana Max og Emmu með fyrrverandi eiginmanni sínum, Marc Anthony.
Parið fann hvort annað á ný eftir næstum tveggja áratuga aðskilnað og gekk í það heilaga í júlí 2022 og hélt heljarinnar veislu í ágúst 2022.
Sjá einnig: Brúðkaup Bennifer um helgina – Sjötta trúlofun og fjórða hjónaband J.Lo