Sumarið 2018 lá maður einn fyrir dauðanum á Fjóni í Danmörku. Vinur hans nýtti tækifærið til að taka sem svarar til tæplega 8 milljóna íslenskra króna út af bankareikningi mannsins. Þetta gerði hann á meðan hann lá á banabeðinum og eftir að hann var dáinn.

Í ákæru á hendur manninum kemur fram að hann hafi tekið peninga út með greiðslukorti vinarins sem og að hafa millifært peninga af reikningi hans í netbanka.

Þetta gerðist 2018 en það var ekki fyrr en í nú í febrúar sem málið kom fyrir dóm. Fyrir dómi sagði maðurinn, sem er 48 ára, að hann hafi notað peningana til að kaupa fíkniefni fyrir deyjandi vin sinn.

En hvorki saksóknari né ættingjar hans látna gefa mikið fyrir þessa skýringu. Ættingi hins látna kom fyrir dóm og sagði að hann hefði aldrei neytt fíkniefna né verið alkóhólisti.

Í dómsniðurstöðu segir að framburður mannsins hafi verið samhengislaus og ótrúverðugur. Hann var því fundinn sekur um stórfelldan fjárdrátt og skjalafals.

Hann var dæmdur í tíu mánaða fangelsi, skilorðsbundið í eitt ár. Auk þess var hann dæmdur til að greiða ættingjum hins látna sem svarar til átta milljóna íslenskra króna.