Matargyðjan og lífsstílskúnstnerinn Martha Stewart er hætt að brúka nærfatnað. Ástæðan er einföld að sögn Stewart, sem orðin er 82 ára, en í viðtali við Page Six segist hún í stað nærfata klæðast sundfatnaði ef að henni skyldi detta í hug að skella sér í sund án fyrirvara.
„Mér líkar við sundföt. Mér finnst gaman að vera í sundfötum undir fötunum ef mig langar að fara í sund. Baðföt eru nærfötin mín,“ segir hún. „Ég klæðist ekki neinu af þessu samansetta dóti. Engin þétt blúnda, engin Skims fyrir Mörtu. En ég elska Skims. Ég held að þær flíkur þjóni mjög góðum tilgangi, en ég klæðist þeim ekki. Ég geng bara í Aerie baðfötum undir fötunum mínum.“
Skims er eins og margir þekkja vörumerki samfélagsmiðladrottningarinnar Kim Kardashian.
Stewart sat fyrir var á forsíðu Sports Illustrated Swimsuit Issue árið 2023 í fyrsta sinn og var þá elsta forsíðustúlka tímaritsins sem kemur út árlega. Stewart er dugleg á samfélagsmiðlum og birtir reglulega myndir af sér í sundlauginni heima hjá sér.