Lára Kristín Kristinsdóttir og Stefán Hirst Friðriksson hafa verið ráðin til Origo í gæða- og innkaupalausnir. „Við erum mjög ánægð með að fá svona öflugt fólki í teymið okkar þar sem við þjónustum nú 200 viðskiptavini,“ segir Kristín Hrefna Halldórsdóttir, forstöðuman gæða- og innkaupalausna Origo.

Lára Kristín hefur verið ráðin til Origo til þess að sinna Justly Pay ráðgjöf fyrir jafnlaunavottun og innleiðingu á CCQ. „Ég er mjög spennt að takast á við fjölbreytt verkefni, hjálpa viðskiptavinum okkar að ná sínum markmiðum og komast inn í svona skemmtilegt teymi,“ segir Lára.

Áður starfaði Lára Kristín hjá Stekki Fjárfestingarfélagi sem rekstrar- og fjármálastjóri og sem ráðgjafi hjá Límtré Vírnet í gæða- og umhverfismálum. Hún hefur MBA gráðu frá Copenhagen Business school, MA gráðu í umhverfis- og auðlindafræði frá Háskóla Íslands og MA gráðu í mannfræði frá London School of Economics.

Stefán Hirst hefur verið ráðinn sölustjóri gæða- og innkaupalausna en hann hefur víðtæka reynslu af sölu á einstaklings- og fyrirtækjamarkaði. Áður starfaði hann hjá Símanum sem deildar- og sölustjóri. Stefán lauk MS gráðu í Stjórnun og stefnumótun frá Háskóla Íslands og BA gráðu í stjórnmálafræði með viðskiptafræði sem aukagrein frá sama skóla.

„Það er stefna Origo að breyta leiknum með betri tækni og það er mjög heillandi að fá að leggja sitt af mörkum í þeirri vegferð. Það þarf stöðugt að þróa til þess að uppfylla þarfir viðskiptavina og vera áfram fremst á markaði,“ segir Stefán.