Zinedine Zidane er aðeins opinn fyrir því að þjálfa þrjú lið ef hann ákveður að snúa aftur í bransann.
Frá þessu greinir Sport á Spáni en Zidane hefur verið án starfs eftir að hafa yfirgefið Real Madrid 2021.
Zidane náði flottum árangri með Real en hefur hingað til neitað þónokkrum liðum á Englandi.
Ástæðan er sú að Zidane talar enga ensku og virðist hafa lítinn sem engan áhuga á að læra tungumálið.
Zidane skoðar aðeins að snúa aftur ef hann fær boð frá Juventus, Paris Saint-Germain eða franska landsliðinu.
Þessi fyrrum heimsmeistari er 51 árs gamall í dag en hann lék með Juventus um tíma og talar ítölsku nokkuð vel.