Árangur Víkings í meistaraflokki kvenna á liðnu ári fór ekki fram hjá knattspyrnuáhugafólki. Liðið hafnaði í efsta sæti Lengjudeildarinnar og leikur í Bestu deildinni á komandi sumri.

Auk þess fagnaði Víkingur fyrsta bikarmeistaratitli félagsins í kvennaflokki með sigri í úrslitaleik Mjólkurbikarsins. Að baki þessum hraða vexti og góða árangri liggur mikil vinna innan alls félagsins.

Farið var í ítarlega greiningu og markmiðasetningu og fjölmargir sjálfboðaliðar komu að ýmsum verkefnum tengdum liðinu og leikjum þess með það fyrir augum að gera umgjörðina fyrsta flokks.