Alisson, Curtis Jones, Diogo Jota og Trent Alexander-Arnold verða allir frá í hið minnsta einn mánuð. Mikið áfall fyrir Liverpool.
„Alisson er með vöðvameiðsli og er frá fram yfir landsleikina í mars, Curtis Jones er frá og spilar ekki fyrr en eftir landsleikina,“ segir Pep Lijnders, aðstoðarþjálfari Liverpool.
„Trent og Diogo Jota spila ekki fyrr en eftir landsleikina en hvenær eftir þá óvíst.“
Þrír lykilmenn Liverpool eru svo í kapphlaupi við tímann um að ná úrslitaleik enska deildarbikarsins á sunnudag.
„Szoboszlai, Nunez og Salah eru spurningarmerki, það eru tveir dagar til stefnu og tvær æfingar. Við tökum ákvörðun á síðustu stundu.“