ESPN heldur því fram að Sir Jim Ratcliffe nýr eigandi hjá Manchester United sé klár í að selja allt að ellefu leikmenn burt frá félaginu í sumar.
Ratcliffe og hans helst aðstoðarfólk hefur undanfarnar vikur farið í gegnum allt hjá félaginu.
ESPN segir að Harry Maguire, Raphael Varane og Casemiro gætu allir farið í sumar en samningur Varane er á enda. Anthony Martial fer þegar samningur hans rennur út í sumar.
Þá segir að félagið muni hlusta á tilboð í Aaron Wan-Bissaka, Scott McTominay, Victor Lindelof og Christian Eriksen.
Donny van de Beek, Jadon Sancho, Facundo Pellistri og Brandon Williams eru allir á láni þessa stundina en eru allir til sölu.
Félagið ætlar sér að sækja fjármuni á markaðinn til þess að hafa meira á milli handanna til að styrkja liðið.