Sergio Ramos hefur lofað því að hann muni ekki fagna um helgina ef hann skorar gegn Real Madrid.
Ramos lék með Real í heil 16 ár en hann kom til félagsins 2005 frá Sevilla og samdi svo við Paris Saint-Germain 2021.
Eftir tvö tímabil í Frakklandi sneri Ramos aftur heim til Sevilla og hefur spilað 15 deildarleiki hingað til.
Þessi 37 ára gamli varnarmaður ætlar ekki að fagna ef hann skorar um helgina en viðurkennir að hann muni finna fyrir gleði þar sem hans lið þarf verulega á þremur stigum að halda.
,,Ég ber mikla virðingu fyrir stuðningsmönnum Real Madrid sem og félaginu,“ sagði Ramos.
,,Ef ég skora þá lofa ég að fagna ekki markinu en ef ég er það heppinn að ná að skora og við vinnum þá verð ég hæstánægður því þessi þrjú stig munu hjálpa okkur mikið.“