Í færslu sem birtist á Facebook-síðu Dýralæknamiðstöðvarinnar í gær kemur fram að þetta hafi byrjað eftir að eigandinn flutti í annað húsnæði um það bil tveimur vikum áður.
„Við tókum röntgen og í ljós kom að kötturinn hafði gleypt risa öngul. Kötturinn fór því auðvitað í aðgerð þar sem 4cm langur öngull var fjarlægður,“ segir í færslunni.
Bent er á að líkaminn sé merkilegur enda hafði öngullinn, sem er oddhvass, grafið sig út úr meltingarveginum og fannst hann í kviðarholinu. Þar hafði myndast hylki utan um öngulinn sem eru eðlileg viðbrögð líkamans við aðskotahlut. Varnaði þetta því að önnur líffæri hlytu skaða af.
„Taka má fram að eigandi kisu býr nálægt veiðiá og þessi saga undirstrikar mikilvægi þess að við tvífætlingarnir göngum vel um umhverfið því hætturnar leynast víða.
Mitzy fór ánægð heim með engan öngul (nema í poka) og óskum við henni góðs bataferlis,“ segir í skeytinu.