Það eru vitleysingar sem segja það að Casemiro sé of gamall til að spila í ensku úrvalsdeildinni.
Þetta segir Louis Saha, fyrrum leikmaður liðsins, en Casemiro hefur fengið töluverða gagnrýni í vetur.
Hann var tekinn af velli um helgina í leik gegn Luton og var heppinn að fá ekki rautt spjald í þeirri viðureign.
Brasilíumaðurinn er enn aðeins 31 árs gamall en fagnar 32 ára afmæli sínu þann 23. febrúar.
,,Casemiro er ekki of gamall fyrir ensku úrvalsdeildina, blaðamenn láta hann ekki í friði,“ sagði Saha.
,,Það er kannski vegna leikstíls Manchester United sem hefur ekki gengið upp í öll skipti. Hann er beðinn um að gera of mikið en hann gerir samt sína vinnu vel.“
,,Hann er að skora meira af mörku, ég held að hann hafi ekki skorað mikið hjá Real Madrid en hann fær meiri ábyrgð í Manchester.“