Tom Lockyer var nær dauða en lífi á dögunum þegar hann hneig niður í leik með Luton í ensku úrvalsdeildinni. Var þetta í annað sinn á stuttum tíma sem Lockyer fór í hjartastopp.
Lockyer hneig niður í leik og hefur síðan þá hvorki æft né spilað fótbolta.
Lockyer fór í viðtal á dögunum þar sem hann sagði frá því að búið væri að þræða í sig bjargráð.
Hann sýndi tækið sem er komið fyrir við handarkrikann og þaðan er þræddur þráður í hjartað.
Bjargráðurinn mun sjá til þess að byrja að gefa Lockyer stuð fari hann aftur í hjartastopp.
Óvíst er hvort fyrirliði Lutons snúi aftur á völlinn en hann hneig niður með nokkra mánaða millibili og bæði atvikin gerðust í leik.