Jeff Stelling fyrrum íþróttafréttamaður hjá Sky Sports er nú á ferðalagi um England þar sem hann hittir fólk og ræðir við.
Kvöld með Jeff Stelling er vinsæll viðburður þar sem fólk mætir og ræðir um fótbolta.
Stelling var mættur til Chesterfield á sunnudag en var brugðið þegar hann kláraði sýningu sína.
Þannig hafði óprúttinn aðili mætt með hníf og skorið hressilega í glæsilegan bíl hans.
Stelling hringdi á lögregluna en ljóst er að skipta þarf um hurð á bílnum enda var gert stórt gat á ökutæki hans.
Málið er nú á borði lögreglu sem rannsakar málið og leitar að sökudólgnum.