Kiptum sló heimsmet í maraþoni þegar hann hljóp á tímanum 2:00:35 í Chicago-maraþoninu í október síðastliðnum. Kiptum er sagður hafa misst stjórn á bifreið sem hann ók með fyrrgreindum afleiðingum.
Hann er sagður hafa verið við æfingar í fjalllendi í vesturhluta Kenía þegar slysið varð en svæðið er vinsælt meðal afreksíþróttamanna.
Kiptum var á góðri leið með að verða að súperstjörnu í hlaupaheiminum og voru margir sem væntu þess að hann yrði sá fyrsti til að hlaupa maraþon á undir 2 klukkustundum. Var hann skráður til leiks í Rotterdam-maraþoninu í apríl næstkomandi.
Saga þessa mikla hlaupara var stutt en býsna merkileg. Hann hljóp sitt fyrsta maraþon árið 2022 og vann svo sigur í Lundúnamaraþoninu í apríl í fyrra áður en hann sló heimsmetið í október síðastliðnum.
Kiptum lætur eftir sig tvö börn.
