Samfélagsmiðlastjarna sem ber nafnið Astrid Wett er á milli tannanna á fólki þessa dagana eftir myndband sem hún birti um helgina.
Wett bað þar um hjálp frá aðdáendum sínum á Twitter en hún vill komast á úrslitaleik AFCON á milli Nígeríu og Fílabeinsstrandarinnar.
Ástæðan er sú að Wett komst að því að hún er 19 prósent nígerísk og birti sjálf sönnun fyrir því á Twitter.
Wett segist ekki vera bólusett og má því ekki ferðast til Fílabeinsstrandarinnar en veltir því fyrir sér hvort það sé hægt að komast undan þeirri reglu.
Hún er kölluð athyglissjúk fyrir að halda því fram að hún sé nígerísk að hluta til en úrslitaleikurinn fer fram í kvöld klukkan 20:00.
,,Er ekki í lagi með þig? Ætlarðu að gera allt fyrir athygli?“ skrifar einn við færslu Wett og bætir annar við: ,,Öllum er sama þótt þú sért 19 prósent nígerísk, þú ert bara að eltast við athygli.“
Wett hefur birt myndir og myndbönd af sér í treyju Nígeríu og ýtir það undir þessa athyglissýki að margra mati.