Taila Maddison, sem búsett er í Newcastle í New South Wales í Ástralíu, er áhrifavaldur og með yfir 50 þúsund fylgjendur á Instagram. Þá er hún virk á OnlyFans þar sem hún selur kynferðislegt myndefni af sér.
Í myndbandi sem hún birti á TikTok á dögunum lýsti hún því að hún hefði sofið hjá 22 körlum á aðeins 10 dögum. Óhætt er að segja að myndbandið hafi vakið athygli og virtust margir, einkum og sér í lagi ungir karlar, hafa skoðun á því.
Freddiemc, ástralskur áhrifavaldur sem er með um milljón fylgjendur á Instagram og TikTok, tætti myndband Tailu í sig og sagði að hún væri skömm fyrir fjölskyldu sína. Fylgjendur Freddiemc tóku margir undir og fékk Taila yfir sig holskeflu af skömmum.
Taila ræddi þetta við ástralska miðilinn News.com.au þar sem hún segist alla jafna reyna að leiða gagnrýnisraddir hjá sér. Umfangið og áreitið þarna hafi þó verið gríðarlegt.
„Ef karlmaður hefði birt svona myndband þá hefðu hann og allir hans félagar gefið hvor öðrum fimmu. Það er sorglegt að svona tvöfalt siðgæði sé enn við lýði árið 2024.“
Talia er með þykkan skráp og segist ekki skammast sín í eina sekúndu fyrir að vera opinská um kynlífið sem hún stundar.
„Kynlíf er hluti af lífinu og ekkert til að skammast sín fyrir. Ástvinir mínir þekkja mig og hvaða manneskju ég hef að geyma.“
